ທ່ານຄຳໄພ ສົມສະນະ ຜູ້ກໍ່ຕັ້ງ ແລະເປັນປະທານກຸ່ມບໍລິສັດຄຳໄພ ສະນະ ເກີດທີ່ເມືອງຄຳ ແຂວງຊຽງຂວາງ, ໄດ້ຮັບການສຶກສາຮອດຂັ້ນປະຖົມ. ພາຍຫຼັງແຕ່ງງານກັບ ທ່ານນາງພິມຂັນ ສົມສະນະ ກໍຢຶດອາຊີບຄ້າຂາຍລ້ຽງຄອບຄົວ. ຈົນຍ້າຍຄອບຄົວມາຍູ່ປະຄອນຫຼວງວຽງຈັນ ໃນປີ 1980 ແລະ ເລີ່ມສ້າງຕັ້ງທຸລະກິດເຟີນີເຈີຂຶ້ນໃນປີ 1990.

ດ້ວຍຄວາມທິ ທ່ານຄຳໄພ ເປັນຜູ້ທີ່ມີວິໄສທັດກວ້າງໄກ ທັງເປັນນັກປະຕິບັດທຸລະກິດແທ້ຈິງ ຈຶ່ງສາມາດນຳພາ ແລະນຳພາທຸລະກິດໃຫ້ຂະຫຍາຍໂຕຢ່າງຕໍ່ເນື່ອງ ໃນອີກຫຼາຍຂະແໜງການບໍ່ວ່າຈະເປັນດ້ານການກໍ່ສ້າງ-ຊົນຊົນ-ຊົນລະປະທານ, ໂຮງງານຄອນກຣີດ, ເຟີນີເຈີ, ກະສິກຳ-ລ້ຽງສັດ ແລະທ່ອງທ່ຽວ. ຈົນກາຍມາເປັນກຸ່ມບໍລິສັດທີ່ເຂັ້ມແຂງ ໂດດເດັ່ນ ແລະເປັນຢູ່ແຖວໜ້າຂອງ ສປປ ລາວ.

ນອກຈາກບົດບາດປະທານຂອງ ກຸ່ມບໍລິສັດຄຳໄພ ສະນະ ແລ້ວ, ທ່ານຄຳໄພ ຍັງເປັນຜູ້ມີກອນຮັກປະກອບສ່ວນ ໃນວຽກງານຂອງໂຄງ-ລັດຖະບານ ແລະຊ່ວຍເຫຼືອສັງຄົມ. ພ້ອມກັນນັ້ນ ທ່ານຍັງເປັນປະທານສະມາຄົມເຟີນີເຈີລາວ, ຮອງປະທານສະມາຄົມເຟີນີເຈີອາຊຽນ, ຄະນະທີ່ປຶກສາສະພາອຸດສາຫະກຳ-ການຄ້າແຫ່ງຊາດລາວ (ສຄອດ) ແລະ ຄະນະບໍລິຫານ ສຄອດ ໃນຂັ້ນນະຄອນຫຼວງ, ຄະນະແນວລາວສ້າງຊາດນະຄອນຫຼວງ ແລະບົດບາດອື່ນໆ.